رومـانســية الخـــيـال

رومـانســية الخـــيـال(حياة الرومانسية فى عصر المادة)

دخول

لقد نسيت كلمة السر

المتواجدون الآن ؟

ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر :: 1 روبوت الفهرسة في محركات البحث

لا أحد


أكبر عدد للأعضاء المتواجدين في هذا المنتدى في نفس الوقت كان 84 بتاريخ الجمعة أبريل 26, 2013 10:00 pm

المواضيع الأخيرة

» منهح كامل لتعلم الانجليزية مجانا من موبيلك
الأحد أكتوبر 26, 2014 9:38 pm من طرف ندى العمر

» قاموس ( انجليزي - انجليزي )
الخميس يونيو 05, 2014 7:37 pm من طرف hoda

» وراء كل عظيم امرأة ,, فهل يعترف بها؟ (بين فولتيير وبيير )
الخميس مايو 22, 2014 1:17 am من طرف مواطن

» يامن بمقلتيك الحياه
الخميس مايو 08, 2014 1:38 am من طرف eyna

» البراونى
الأحد مايو 04, 2014 3:22 pm من طرف eyna

» عجينة القطايف فى البيت
الأحد مايو 04, 2014 3:19 pm من طرف eyna

» الدونتس ..
الأحد مايو 04, 2014 3:18 pm من طرف eyna

» كريمة الزبدة
الأحد مايو 04, 2014 3:15 pm من طرف eyna

» الكيكه الاسفنجية
الأحد مايو 04, 2014 3:12 pm من طرف eyna

» الاكلير
الأحد مايو 04, 2014 3:10 pm من طرف eyna

» بيتزا بالفراخ
الأحد مايو 04, 2014 3:07 pm من طرف eyna

» غريبة وبتىفور وشاتوة وباتون ساليه وكل دة بكيلو دقيق
الأحد مايو 04, 2014 3:03 pm من طرف eyna

» حلآ : ميني كوكانت ,,
الأحد مايو 04, 2014 2:58 pm من طرف eyna

» تشيز كيك بارد
الأحد مايو 04, 2014 2:56 pm من طرف eyna

» براونى بالأيس كريم
السبت أبريل 26, 2014 11:53 pm من طرف eyna

» فطائر محشيه حسب الرغبه
الأحد أبريل 20, 2014 12:52 am من طرف eyna

» من سفرتنا اليكم متجدد ... غداء
السبت أبريل 19, 2014 11:39 pm من طرف eyna

» الكيكة الاسفنجية -----بطريقة مدام آمال جلال
السبت أبريل 19, 2014 11:16 pm من طرف eyna

» بسكوت بطريقه الكوكيز بس اختراع
السبت أبريل 19, 2014 10:56 pm من طرف eyna

» اخسر 5 كيلو من شحوم الكرش في اسبوع
السبت أبريل 19, 2014 10:54 pm من طرف eyna


الف باء سعادة زوجية

شاطر
avatar
dodo
مشرفه
مشرفه

انثى
الاسد الحصان
عدد الرسائل : 419
العمر : 15
اعلام الدول :
المزاج ايه اليوم :
المهنة :
الهواية :
رقم العضويه : 17
  :
بلدك ايه : EGYPT(CAIRO
نقاط : 463
السٌّمعَة : 2
تاريخ التسجيل : 10/07/2008

???? الف باء سعادة زوجية

مُساهمة من طرف dodo في الجمعة مارس 27, 2009 3:22 am

الف باء سعادة زوجية
الى كل عروسة حديثة العهد بالزواج إليك ((ألف باء سعادة زوجية))




ألف باء السعادة الزوجية

بعد ما شهر العسل خلص واتقفل عليكِ أنت وجوزك باب واحد.
.. فيه عيوب بدأت تظهر وكل يوم والتاني فيه خناقة ،بسبب مختلف..
وأنتِ دلوقت قاعدة بينك وبين نفسك عمالة تفكري وتقولي يا ترى هو ده الإنسان
اللي أنا حبيته واتجوزته وطبعا ندمانة على جوازك منه..
في الحالة دي ممكن تتصرفي إزاي ؟!



بترفعي سماعة التليفون وتتصلي بواحدة صاحبتك وتقعدي تحكي
لها وتقولي لها على اللي بيحصل بينك وبين جوزك
وتقولي لها إنه زي ما يكون اتبدل بإنسان غريب غير اللي كنت مخطوبة له
وإنك لولا إنك خايفة من كلام الناس كنت سيبتي البيت ورجعتي بيت أهلك...

طبعا هي هتنصحك وتقولك لازم تدخلي أهلك وهما اللي يجيبوا لك
حقك وإن جوزها كان كده وجه والدها وبهدله وجاب
لها حقها وزيادة لازم تعرفيه إن ليكِ أهل يجيبوا لك حقكِ..



وفي الحالة دي طبعا أنت هتقفلي معاها الخط وتروحي على طووول
متصلة بأهلك وتقولي لهم تعالوا بسرعة
الحقوني، وهو كمان مش هيقف يتفرج وهيتصل هو كمان
ويجيب أهله وكل واحد بكلمة اللي يقولك إنك غلطانة واللي
يقول له إنه هو اللي غلطان والمواضيع تكبر زيادة ويبقى من الصعب حلها...



وتلاقي نفسك فجأة دخلت نفسك في دوامة مشاكل مالهاش حلول..
طيب ما فكرتيش بينك وبين نفسك ولو لخمس دقائق
ليه ده كله حصل وإيه اللي كان في إيدك تعمليه علشان تخلي
حياتك جنة بدل ما أنت بإيدك حولتيها إلى جحيم..
ما تستغربيش كده من الكلمة أنت فعلا اللي حولتيها لجحيم..


عايزة تعرفي إزاي؟..


يبقى مفيش حل قدامك غير إنك تقرى السطور التالية وتحاول تنفذى أكبر قدر ممكن منها

إن لم يكن كلها وإن شاء الله هتلاقى مشاكلك اتحلت كلها

طبعا هتسألي نفسك وتقولي إزاي؟؟؟

تعالي نفكر مع بعض شوية بصوت عالِ..
ياترى إيه السبب في الخلافات اللي بتحصل بينك وبين جوزك
واللي مخلياكي حاسة إنه إنسان تاني غير اللي كنت مخطوبة له ؟؟؟



أقول لك بصراحة وما تزعليش من كلامي السبب في الخلافات دي
إن كل واحد منكم من بيت غير التاني ومن بيئة غير
التانية.. علشان كده أول ما يتقفل عليكم باب، وبعد شهر العسل
بيبدأ كل واحد يتصرف زي ما متعود في بيت أهله،
يعني مثلا هو متعود إنه أول ما يدخل من البيت يسأل عن الأكل وياكل وينام!

طبعا أنت ممكن تزعلي في الوقت ده
وتقولي إنه مش مهتم بيكِ، وإن أهم حاجة عنده الأكل!!

صح؛ ودي تبقى مشكلة هي صحيح بسيطة، بس ممكن
تكبر لو مافكرتيش بالعقل، وقلتِ إنه يا حرام صحي بدري،
وراح الشغل ورجع، وله الحق إنه ياكل وينام شوية ده مش عيب..

علشان كده عايزك دايما تفكري في كل تصرف بيعمله بعقل وبحكمة،
وتعرفي ازاي تجذبي زوجك لكِ وده مش
هيتحقق إلا من خلال حب زوجك لشخصيتك ولصفاتك الحلوة وروحك وذكائك
لأن الصفات دي هي اللي هتخلي جوزك
يحبك ويفضل حبك في قلبه طوووول العمر مهما مرت السنين
واوعي تنسي إن الاحترام بين الزوجين هو أساس
الزواج الناجح والبيت السعيد.



كلام جميل بس يا ترى كل الحاجات دي تتحقق إزاي؟؟؟

شوفي بقى علشان تحققي الحاجات دي لازم يكون عندك
شوية أساسيات كده ماشية عليها في حياتك الزوجية..

والأساسيات دي بنسميها "ألف باء السعادة الزوجية"..

والأساسيات دي هي..



الأساس الأول

شوفي جوزك بيحب إيه.. واعمليه
إيه المانع إنك تشوفي إيه الحاجة اللي جوزك بيحبها وتعمليها
حتى لو مش بتحبي الحاجة دي يعني مثلا "لو بيحب
السمك وأنت مش بتطيقي ريحته إيه المانع إنك تييجي على نفسك وتعمليه".
وصدقيني الحاجة دي مهما كانت بسيطة، فهي هتفرق معاه جد
ا؛ لأنه هيكون عارف إنك مش بتحبي الحاجة دي،
وعملتيها علشان ترضيه، فأكيد هيقدر إنك عملتِ الحاجة دي له
هو وبكده هيحبك أكتر وياريت كمان تشوفي هو بيكره
إيه وماتعمليهوش..



الأساس الثاني

لا تكذبي
خلي دايما شعارك في حياتك الزوجية هو لا للكذب مهما كانت العواقب
وخليكِ دايما صريحة معاه في كل كبيرة وصغيرة.



الأساس الثالث

خليها في سرك
الحياة الزوجية دي لازم تكون سر بين الاتنين الزوج والزوجة فقط لا غير.
. علشان كده ياريت ما تتكلميش قدام حد نهائي
سواء كان من الأقارب أو المعارف عن عيوب زوجك.
واعرفي أن احترام الناس لجوزك هيتكون
من خلال كلامك عنه قدامهم، علشان كده ياريت ما تتكلميش
مهما كانت الظروف عن عيوب زوجك، وخليها في سرك؛ لأن مفيش حد خالِ من العيوب.
وياريت لو فيه عيوب وأنت مش حباها، ونفسك تغيريها فده
لازم يكون بذكاء شديد بعيدا عن النقد والسخرية؛
لأن الراجل الشرقي مش بيحب مراته تفضل تنتقد تصرفاته...
يعني مثلا تقولي له بأسلوب لطيف
إيه رأيك يا حبيبي لو تعمل كده؟ ده هيخليك تبقى أحسن..
وخليه دايما يحس إن حبك له، وخوفك عليه، هو اللي خلاكِ تقولي كده، وإنك عايزة تشوفيه في أحسن صورة.
واعرفي أنك لو أغمضتِ عينيك عن أخطاء زوجك الصغيرة،
فهو كمان هيغفر لك أخطاءك اللي ممكن تكون كبيرة.



الأساس الرابع


خليكِ مستمعة جيدة لجوزك
ياريت تكوني مستمعة جيدة لكل كلام جوزك
وقولي رأيك في كل اللي بيقوله بأسلوب كويس؛ لأن ده هيقربك منه جدا،
وهيخليه يقول لك على كل حاجة كبيرة وصغيرة في حياته
وتبقي أنت موضع كل أسراره، وده طبعا شيء كويس جدا
لأنك بكده هتكوني الشخص الوحيد اللي يلجأ إليه لما يتعرض لأي مشكلة.
ياريت كمان تكوني ذكية، وتعرفي.. امتى تتكلمي؟ وامتى تسكتي؟..
يعني لو لاقيتي جوزك راجع تعبان، وشكله فيه حاجة مضايقاه
ياريت في الوقت ده تسكتي نهائي، وبلاش تلحي عليه في السؤال..
مالك؟ مالك؟ لغاية ما يهدأ وهو اللي يبدأ يتكلم.



الأساس الخامس

خليكِ فراشة في البيت
خليك مرحة في بيتك.. حاولي تدخلي السرور والبهجة إلى قلب جوزك،
وما تحاوليش تكسبي عطف جوزك بأنك كل ما تشوفيه
تقولي إنك تعبانة ومرهقة؛
لأن بصراحة أي راجل بيهرب من الست المتمارضة كثيرة الشكوى.
ويا ريت تحاولي ماتكونيش ست تقليدية في لبسك،
بأنك مثلا تظهري بنفس المظهر كل يوم.. يعني حاولي تغيري في لبسك
.. في تسريحة شعرك.. في طريقة كلامك.. حتى في أصناف الأكل اللي بتعمليها.
حاولي تجددي وتبتكري أنواعا جديدة غير اللي هو عارفها،
وده علشان الملل ما يتسربش إلى قلبه.
وخليكِ عارفة إن الست الذكية هي اللي تنجح في كسر روتين الحياة اليومية.



الأساس السادس

ما تدخليش حد بينكم
وده أهم أساس في العلاقة بين أي اتنين..
إن مفيش حد يدخل بينكم نهائي في أي خلاف يحصل،
وخلافاتكم تحلّوها بينكم وبين بعض..
ومفيش مانع إنك لو لاقيتيه غضبان وثائر أثناء الكلام
تسيبي الأوضة اللي هو فيها وتروحي أي مكان تاني لغاية ما يهدأ
وهتلاقيه هو اللي جاي يعتذر لك، ويقول لك حقك عليّ يا حبيبتي
وخلي دايما صوتك واطي أثناء أي خلاف بينك وبينه وفكري كويس
في كل كلمة بتقوليها ولو حسيتي إنك هتبدأي تغلطي
تسكتي وتسيبي الأوضة اللي هو فيها، وإوعي تطلبي الطلاق.


الأساس السابع

إياكِ والمقارنة
إوعي تقارني بين جوزك وأي راجل تاني مهما كان..
أو بين عيشتك في بيت أهلك وبين عيشتك في بيت زوجك،
وخليكِ دايما راضية باللي ربنا كتبهولك وبلاش ترهقيه بطلبات تفوق إمكانياته؛
لأن كده ممكن يمد إيده لحد علشان يحقق طلباتك..



الأساس الثامن

الدنيا يوم عسل ويوم بصل
خليكِ ست عاقلة واعرفي إن الدنيا مش ماشية على وتيرة واحدة
يعني هتلاقي يوم حلو ويوم وحش علشان كده اصبري
وكوني عوناً لجوزك وقت الشدة، واوعي تتخلي عنه وخليك دايما بجانبه.



الأساس التاسع

استشيريه في كل حاجة
استشيري جوزك في كل حاجة تخصك
وفي كل خطوة قبل ما تعمليها..
خليه دايما يحس إنه هو صاحب القرار والرأي..



الأساس العاشر

اهتمي بأهله
إوعي تنسي إنك تهتمي بأهله، وتزوريهم دايما،
وتجامليهم في أي مناسبة
حتى لو كان هو مش فاضي أنت روحي واطمني عليهم؛
لأن الموضوع ده هيبسط جوزك جدا



مع تحياااااااااااااااااااااتى
منقول
avatar
eyna
نائب ادارة الموقع
نائب ادارة الموقع

انثى
الاسد الثور
عدد الرسائل : 2034
العمر : 44
اعلام الدول :
المزاج ايه اليوم :
المهنة :
الهواية :
رقم العضويه : 22
  :
بلدك ايه : EGYPT(CAIRO
نقاط : 4149
السٌّمعَة : 23
تاريخ التسجيل : 24/07/2008

???? رد: الف باء سعادة زوجية

مُساهمة من طرف eyna في الإثنين أبريل 06, 2009 1:38 am

مشكورة اختى على تلك النصائح
يارب الكل يستفيد
وزيدينا من تلك الموضوعات
Crying or Very sad

    الوقت/التاريخ الآن هو السبت مايو 26, 2018 12:15 pm