من طرف 
السلام عليكم ورحمة الله وبركاته
ازيكم يا جماعة وكل عام وحضراتكم بألف خير وان شاء الله عام هجرى جديد قادم كله خير علينا جميعا وعلى امتنا الإسلامية والعربية
فكرنا وقررنا إطلاق حملة كبيرة جدا يشارك فيها جميع الأعضاء إن شاء الله
حملة دفا وأمان
دفا وأمان لكل فقير محتاج يدفى ولاده فى برد الشتاء القارس هذا العام
دفا وأمان لنا من نار يوم القيامة لما ربنا سبحانه يسألنا عن الناس دى
دفا وأمان لأهلنا وأولادنا إن ربنا يرعاهم فى المستقبل ويمنع عنهم الفقر والحاجة مصداقا لقوله تعالى
(وَلْيَخْشَ الَّذِينَ لَوْ تَرَكُواْ مِنْ خَلْفِهِمْ ذُرِّيَّةً ضِعَافًا خَافُواْ عَلَيْهِمْ فَلْيَتَّقُوا اللّهَ وَلْيَقُولُواْ قَوْلاً سَدِيدًا)
سورة النساء ايه 9
دفا وأمان
لان الصدقة تدفع البلاء وهى انجح دواء لنا من جميع الأمراض وهى أفضل برهان على الإيمان
طيب الكلام جميل جدا
ايه المطلوب مننا بعد الكلام ده
ان شاء الله تعالى كلنا هانشارك .. وبأذن الله كلنا هايكون لنا اجر وثواب
طيب ازاى تشارك او تشاركى
تقدر تشارك بانك تساعد فى شراء بطاطين للفقراء
مين فينا يا جماعة مفيش فى بيته زيادة عن حاجتة بطانية واتنين وتلاتة قديمة مهملة وبتشغل مكان
هاتها يا اخى ويا اختى فيه غيرك محتاجها
مين فينا يا جماعة مش عنده ملابس كتيرة سواء كانت بلوفرات او جواكت قديمة وبتشغل مكان فى بيته وموش بنقصد قديمة انها تتكون متقطعة او غير صالحة للبس لو عندك شئ هاته فيه غيرك ممكن يلبسه
هاته واحنا هانوصلها ان شاء الله لفقير محتاجها
جمع كل اللى عندك وعندك أصدقائك وعند اهلك وان شاء الله هانحاول نوصلك ونوصلها لمحتاجها
كلنا بنقضى بالساعات على النت
طيب الفقير ده مالوش حق فينا نقضى ولو ساعتين تلاتة فى خدمته ..ان شاء الله اكيد فيه ونقدر
طيب ازاى اخدمه فى ساعتين تلاتة
صدقنى تقدر وتقدرى حاول تعرف فقير فى منطقتك .. حاول تجمع ملابس وبطاطين فى محيط المنطقة عندك
حاول تيجى معانا وتشاركنا فى توصيل الحاجات دى للفقراء
يعنى من الاخر ان شاء الله كلنا هانشارك
باى شئ تقدر عليه
ولا يجب ان ننسى قول الصادق الامين
(عن أبي موسى الأشعري رضي الله عنه قال: قال رسول الله صلى الله عليه وسلم : "المؤمن للمؤمن كالبنيان يَشُدُّ بعضُه بعضاً – وشبك بين أصابعه
متفق عليه )
» قاموس ( انجليزي - انجليزي )
» وراء كل عظيم امرأة ,, فهل يعترف بها؟ (بين فولتيير وبيير )
» يامن بمقلتيك الحياه
» البراونى
» عجينة القطايف فى البيت
» الدونتس ..
» كريمة الزبدة
» الكيكه الاسفنجية
» الاكلير
» بيتزا بالفراخ
» غريبة وبتىفور وشاتوة وباتون ساليه وكل دة بكيلو دقيق
» حلآ : ميني كوكانت ,,
» تشيز كيك بارد
» براونى بالأيس كريم
» فطائر محشيه حسب الرغبه
» من سفرتنا اليكم متجدد ... غداء
» الكيكة الاسفنجية -----بطريقة مدام آمال جلال
» بسكوت بطريقه الكوكيز بس اختراع
» اخسر 5 كيلو من شحوم الكرش في اسبوع